حوار جاد لما حدث في مصر الشقيقة

السلام عليكم يا جماعة

جاي على بالي انه نتناقش مع بعض باللي بيصير بالعالم خلينا نشوف شو وجهة نظر كل واحد

حتى نفهم شو اللي بيدور حوالينا

رح نحكي عن قلب الانظمة الحاكمة في مختلف الدول وما عواقبها

وما نتائجها السلبية والايجابية

اول تجربة مرت علينا هي تجربة غزة وهو قلب الحكم من السلطة الى حكومة مختلفة الاطوار تماما في عام 2007

الثانية هي تجربة دولة تونس الشقيقة

اما الثالثة والاهم في هذه التجارب هي تجربة اعظم دولة عربية من ناحية الجيش ومن ناحية عدد السكان والمساحة

نجربة مصر

من رايكم يا جماعة

شو اللي رح يصير بمصر بعد هاي المرحلة الانتقالية في النظام الحاكم

بتمنى من الجميع انه يشاركنا الراي في هذا الموضوع

لانه بيهم الامة العربية كافة

تحياتي الكم

أبو جودى

لي رأي ... لكني اترك لكم الاولويه فأنتم غزة وفي قلب الحدث

اهلا اخت صمت الاحساس

بيشرفني مرورك

بس انا حاب اسمع ارائكم

ومثل ما حكيتي احنا في قلب الحدث

وانا كمان بشتغل مع المصريين

يعني بتقدري تقولي اني عندي اكبر كم من المعلومات

وتقريبا فاهم الوضع

بس حابب اسمع تعليقاكم

وبدنا نبدا فيكي يا اخت صمت لانه انتي

بعيدة عن مكان الحدث لكن تابعتيه عن طريق الانترنت او التلفزيون

تحيياتي الكم

ابو جودة

السلام عليكم

مرحبا ابو جودة

مرحبا اختي صمت

كل الاعضاء الكرام

بالنسبة للموضوع اللي بتحكي فيه اخ ابو جودة

فما حدث في مصر هو جزء مما يسمى نهضة وصحوة الشعوب

اما عن الرئيس المخلوع محمد حسني مبارك

فلا احد ينكر انه كان رجل الحرب والسلام

ولا احد ينكر انه رجل مصري وطني ومناظل كبير

وفي المقابل لا احد ينكر ان السيد محمد حسني مبارك هو الشريك الاول

في حصار قطاع غزة

وفي نفس الوقت لا احد ينكر انه متساهل مع قطاع غزة في قضايا اخرى

قد تغني بعض الشيء عن فتح معبر رفح الحدودي ما بين مصر وقطاع غزة

بالنسبة الي يا اخوان انا اجيز ما حدث في مصر

مهما كانت عواقبه وخيمة

وانا اعلم بل ومتيقن واعرف تماما

ان ما حدث للرئيس حسني مبارك في مصر

سوف ينعكس علينا بشكل كبير في قطاع غزة

والحين بدي اترك المجال لغيري وان شالله ما رح نترك الموضوع

شكرا

اسطورو الزمان

حسني مبارك

هاي هي اخرة الظالم

كاخرة فرعون

كاخرة ابو جهل

وسيعلم الذين ظلموا اي منقلب ينقلبون

بيكفي صار له 30 سنة قاعد على الكرسي

ولسة راتب الموظف العسكري 400 جنيه مصري

شو رح يعملوا ال 400 جنيه

يعني تقريبا 250 شيكل

يعني 80 دولار

والله لو بده يسمي بس رح يطيروا

وفي نفس الوقت جمال مباركط رصيده في بنوك العالم يزيد عن 17 مليون دولار

وهو الشريك الاول لاحمد عز

صاحب شركات صنع الحديد والصلب في مصر

اما علاء مكبارك فكان شغال بلطجي على الشعب

يكوش على اراضي

ياخذ من الناس اللي في جيوبهم بطريقة او اخرى

ورصيده في البنك لا يقل عن 12 مليون دولار

اما سوزان مبارك

فريدها في البنوك خارج مصر 8 مليون دولار

وما رح نحكي شو في للرئيس

طيب هاي الاموال من اجت

معقول حوشوهم كل 400 جنيه على بعض

ولا اجوا من دم الشعب الغلبان

لا شو غلبان

الشعب المصري طول عمره نايم

كل اللي بيهمه انه ياكل ويشرب ويعبي راسه

يقعد على القهوة من الصبح لاخر الليل

ما بيفكر في الحياة

ولو فكر بيوم من الايام كان تغيرت الاحوال من زمان

هذا من وجهة نظري

يعطيكم العافية

تسلم ايدك يا عازف الجيتارة

بس وين الشعب المصري من زمان

ما صحي الا الحين

صحيح

كل شي بوقته حلو

شكرا عزيزي ابو جوده ... اخ مختار انت ماشاء الله عليك ديموقراطي محايد ... سياسي والسياسه بدمكم ... عجبتني محايدتك و اسلوبك ...
وان شاء الله لنا عوده اكيد للموضوع ...
اخي الكريم عازف والله حق ما خطته يمناك ,, للاسف .... اختي الكريمه رنا .. هاي الاحداث السياسيه اللي بتصير بالعالم كلها مكتوبه في لوح محفوظ انها حتصير في اخر الازمان ولها قائدها ودلالتها باتت واضحه جليه

هلا بالجميع الكل منور

تسلموا

ما سمعنا رايك يا اخت صمت

شو هي الصورة اللي وصلت لكم

كدولة من دول الخليج

تحياتي الكم

أبو جودة

خخخخ والله صرنا كلنا سياسين نتابع الحدث كل يوممن اوله وكل فترة باليوم حتى .. شباب وصبايا ... نساء ورجال .. باتت لنا اهتمامات ومتابعات سياسيه للحدث لاننا طبعا مع الشعب المظلوم دائما ...ورأينا من زماااااان انه للكل ظالم يوم..... وهو معروف عنا انه مثل تلفون العمله بتحط فيه قروش بيعطيك خط .. كلنا كنا متدايقين من تعاملوه مع
اليهود ... وهذا اقوى سبب خلى الدنيا تدور عليه .. يعني بلد الرئاسه فيه جمهوري ... بيظل حاكمها 30 سنه ؟؟!!
لشو بيسميها جمهوريه لكان ...!!؟؟
وهيهم ناس كثير من عنا بيروحو مصر ومن ضمنهم اهلي وحكو ان فعلا الشعب المصري من المطار بيستناك يشحت منك من كثر البطاله اللي عندهم ... ...التونسي ابو عزيزي(( رغم اني ضد فكرة الانتحار )) بس هو لما حرق حاله من كثر الحره اللي بقلبه والقهر .. عبر بشجاعه عن مظلومية الشعوب من حكامها ... كل حكامها ... ولو كان فيهم واحد عادل لشعبه
كان مارضي الاهانه لشعب جاره واذا كان بيقو انه بيحكم بالعدل .. فالعدل السير على منهاج كلام الله عن طريق الرسول ... الم يقل الله عن كتابه انه محفوظ ... الم يقل انه كلمات منزلات حكيمه .. الم يقل عن رسوله الكريم فيها ,, (( وما ينطق عن الهوى * ان هو الا وحيا يوحا )) اما وصى الرسول بسابع جاار .. اما قال الدين معامله,,, اين هم من هذا ,,,ام ان الجيره فق في ارسال التهاني والتبريكان بين كل حاكم وحاكم بكل مناسبة دينيه او وطنيه !! فليلقو نظرة واحده في اي ضفه من غزه وليتابعو خطوات اي طفل .. اي نعال يرتدي وبأي سترتة يحتمي... وليقارنها بسعر ارخص فردة جوراب لديه ...كانو يعلمون ظلمهم ونفاقهم ... لذلك ترى الحكام كلا يقول نفسي نفسي ولم يستقبل احد العميل ,, اقصد سيادة الرئيس ..قد بدئت الدنيا تدور دائرتها عليهم كما تدور الرحى على حبات القمح والشعير ,,,, اللهم ارحمنا برحمتك واجعلنا من انصار من يأتي فيانتصر لاعلاء كلمتك ....

الحياة بتطلب منا كثير يا اخت صمت

والواحد لازم يشوف شو بده يقدم لبلده قبل ما يشوف شو رح يستفيد منها

تحياتي الكم

أبو جودة

الدور على مين النهار دة

يالل اللي عليه الدور يطلع ع المايك